वाघोली जिल्हा परीषद शाळेत दिंडी सोहळा उत्साहात

By-MH13NEWS,नेटवर्क

वाघोली (प्रतिनिधी):मोहोळ तालुक्यातील वाघोली येथील जिल्हा परिषद प्राथमिक शाळेमध्ये आषाढी एकादशी निमित्त दिंडी सोहळ्याचे आयोजन करण्यात आले होते.‌
महाराष्ट्राचे लाडके दैवत असणारे विठु माऊलीच्या भेटीसाठी महाराष्ट्राच्या कानाकोपर्यातुन लाखो वारकरी व दिंड्या पंढरपुरात येत असतात.याचेच औचित्य साधुन आज बालगोपाळांच्या दिंडीचे नियोजन केले होते.

शाळेतील विद्यार्थी गौरी साखरे व शुभम पवार यांनी विठ्ठल रुक्मिनी यांची वेशभुषा करण्यात आली होती.तर इतर विद्यार्थ्यांनी टाळ-विणा घेऊन वारकऱ्यांच्या वेशात होते.गावामधुन प्रभातफेरी काढण्यात‌ आली.चिमुकल्या विठ्ठल रूक्मिणीच्या स्वागतासाठी ठिकठिकाणी रांगोळी काढुन त्यांची पुजा करण्यात आली.यावेळी शाळेचे मुख्याध्यापक भिमाशंकर मारडकर,सुजाता खंडागळे,सौ.नकाते ,यादव ,शाळा व्वस्थापन समिती अध्यक्ष मुकुंद पाटील,सदस्य सोनाली उघडे आदी गावातील नागरीक उपस्थित होते.

बालदिंडीचे गावचे सरपंच गजेंद्र वाघमारे,माजी सरपंच रामचंद्र पतंगे,ग्रामसेवक चंद्रकांत गायकवाड,अनिल गावडे,अल्लाऊद्दिन मुजावर,सिध्देश्वर पवार,नागनाथ शेंडे,समीर शेख,पिंटु वाळके आदिंनी कौतुक केले.