अक्कलकोट चौपदरी रस्त्याच्या बाजूला वृक्षारोपण करावे

By-(धोंडप्पा नंदे) एमएच१३न्यूज वेब/टीम

सोलापुरातील अक्कलकोट चौपदरी रस्त्याचे काम वेगाने सुरू आहे.दळणवळणासाठी चांगल्या रस्त्यांची आवश्यकता असते. मात्र या मार्गावर चौपदरी रस्त्याचे काम करताना अनेक झाडांची कत्तल करण्यात आली.त्यामुळे शहर परिसरातील निसर्गप्रेमी व अक्कलकोट येथील नागरिकांनी या चौपदरी रस्त्याच्या बाजूला वृक्षारोपण करावे अशी मागणी केली आहे.तसेच या संदर्भात सोशल मीडियामधून प्रशासनाला आवाहनही करण्यात आले आहे.

नविन होणाऱ्या चौपदरी रस्त्याच्या मधील दुभाजकांमध्ये आणि रस्त्याच्या कडेला पुन्हा वृक्षारोपण करावे .त्यामुळे तोडलेली झाडाची पोकळी भरून येईल व निसर्गाचा समतोल टिकून राहील अशी मागणी संबंधित सार्वजनिक बांधकाम व रस्ता विभागाकडे केली आहे.

तीर्थस्थळे असे जुळणार
अक्कलकोट – मैंदर्गी, दुधनी, सिन्नूर मार्गाचे दुपदरीकरण होत आहे. सिन्नूर ते अफजलपूर आणि पुढे कलबुर्गीपर्यंतच्या मार्गाचे चौपदरीकरण पूर्ण झाले आहे. अफजलपूरनंतर मुख्य मार्गापासून सात किलोमीटरवर गाणगापूर हे तीर्थस्थान आहे. या रस्त्याचे डांबरीकरण पूर्ण झाले आहे. त्यामुळे सोलापूर ते अक्कलकोट आणि गाणगापूर ही दोन तीर्थस्थळे जोडली जाणार आहेत. ही कामे राष्ट्रीय महामार्ग प्राधिकरणाच्या माध्यमातून होत आहेत.