पूर्वभागात ‘उगादी पंडुगा’चा आनंदी आनंद

By-MH13NEWS,नेटवर्क

सोलापुरातील पूर्वभागात आंध्र प्रदेशातील प्रथा-परंपरेनुसार सण मोठ्या उत्साहात साजरे केले जातात. गुढीपाडवा हा आंध्रातील परंपरेनुसार ‘उगादी पंडुगा’ म्हणून येथे साजरा केला जातो. भल्या पहाटे पासूनच ‘उगादी पंडगा’ची तयारी तेलुगु बांधवांनी केली आहे. भावनाऋषी पेठेतील पंचमुखी हनुमान देवस्थानम् येथे सामूहिक पच्चडी सेवनाचा कार्यक्रम आयोजित केला आहे.तसेच शहरातील असंख्य तेलुगु कुटुंबियांच्या घरासमोर सडासंमार्जन रांगोळी दरवाजास आंब्याच्या पानाचे तोरण बांधून तोरण बांधून सजवलं आहे नवीन वस्त्रे परिधान करून भगव्या ध्वजाचे पूजन तेलगू समाज बांधव करतात .नवीन जावई,सून, नातू आणि नातवंडांना साखरेचे व खोबऱ्याचे हार घालण्याचा हा आनंददायी दिवस आहे. मोठ्या उत्साहात व आनंदात हा शुभ व मंगलमय दिवस साजरा केला जात आहे.

अशी आहे प्रथा-परंपरा
वेद पुराणात सांगितल्याप्रमाणे सोमासुर हा राक्षस ब्रह्मदेवाकडून वेद हा पवित्र ग्रंथ चोरून समुद्रात लपवतो.तेव्हा भगवान विष्णू मत्स्य अवतारात सोमासुराचा विनाश करतात. भगवान विष्णू द्वारे ब्रह्मदेवाकडे वेद सुपूर्द केल्यानंतर आनंदाने सृष्टीची निर्मिती ब्रम्हदेव करतात. याच दिवशी सृष्टीचा उगम दिन म्हणजेच गुढीपाडवा आहे म्हणून तेलगू समाज बांधव ‘उगादी पंडुगा’ साजरा करतात.

आरोग्यदायी ‘पच्चडी’चे महत्त्व

ग्रीष्म ऋतूत कडक उन्हामुळे शरीरातील ऊर्जा व
पाण्याचे प्रमाण कमी होते. पुराण काळापासून ऋषिमुनींनी
रसतर्पण करणारे (पाण्याची पूर्तता करणारे), आयुर्वेदिक
महत्त्व असलेले पेय ‘पच्चडी’चे महत्त्व जाणले. त्याचे महत्त्व
वर्षानुवर्षे लोकांना कळावे यासाठी ‘उगादी पंडुगा’दिनी ‘पच्चडी’
पेयाचे महत्त्व विशद केले. परंपरेनुसार या दिवशी मातीच्या माठात पाणी, चिंच, कैरी, गूळ, कडुनिंबाची फुले, खोबरे, डाळिंब,बडीशेप, इलायची आदी तत्काळ ऊर्जा देणा-या पदार्थांपासून पच्चडी पेय बनविले जाते.

माठाला साखर-खोबरेहार घालून पूजन केले जाते व नातेवाइकांना पेय वाटले जाते.असतो.साखरेचे हार, कडुलिंब व आंब्याच्या पानांनी सजविण्यात आलेल्या माठात बनविलेल्या पच्चडीची व पंचांगाची पूजा केली जाते. मित्रमंडळी व नातेवाइकांना आमंत्रित करून पच्चडीचे सामूहिक सेवन केले जाते. तसेच पुरणपोळी व पिठाचे विविध पदार्थ बनवले जातात.

MH13 News

Share
Published by
MH13 News

Recent Posts

दिलासादायक | शेतकरी कर्जमुक्ती योजनेतून 567 कोटी वाटप तर पीक कर्जासाठी…

MH 13 News Network  सोलापूर, दि. 8: महात्मा जोतिराव फुले शेतकरी कर्जमुक्ती योजना 2019 योजने…

4 mins ago

‘सिव्हिल’ बेडच्या संख्येत होणार 100 ने वाढ ; जिल्हाधिकारी शंभरकर यांनी घेतला आढावा

सिव्हिल हॉस्पिटलमधील बेडची संख्या  प्रशासन प्रयत्नशील जिल्हाधिकारी शंभरकर यांनी घेतला आढावा           सोलापूर, दि. 8: कोरोना …

17 mins ago

फक्त अर्ध्या तासात | रॅपिड अँटिजेन टेस्टला सोलापुरात सुरुवात

MH13 News Network  सोलापूर, दि. 8: सोलापूर शहरातील रॅपिड ॲटिजेन टेस्टला आज सुरवात करण्यात आली.जोडभावी…

47 mins ago

डॉ. बाबासाहेब आंबेडकर यांचे निवासस्थान राजगृहावर अज्ञातांकडून तोडफोड

डॉ. बाबासाहेब आंबेडकर यांचे निवासस्थान राजगृहावर अज्ञातांकडून तोडफोड ! मुंबई -  डॉ. बाबासाहेब आंबेडकर यांचे…

21 hours ago

आता…दुकाने, मार्केट खुली ठेवण्यास २ तास वाढीव परवानगी

MH13 News Network दुकाने, मार्केट खुली ठेवण्यास आता २ तास वाढीव परवानगी मुंबई, दि. ७…

22 hours ago