महाराष्ट्रात कोरोनाचा चौथा बळी ; राज्यात कोरोनाबाधितांचा आकडा १२४ वर

मुंबई – महाराष्ट्रात कोरोनाने चौथा बळी घेतला आहे. वाशी येथे कोरोनाबाधित महिला रुग्णाचा मृत्यू झाला आहे.

यापूर्वीचे कोरोनाचे तिन्ही बळी मुंबईतील आहेत. काश्मीरमध्ये श्रीनगर येथे एका ६५ वर्षीय कोरोनाबाधित रुग्णाचा मृत्यू झाल्याने देशातील कोरोना बळींची संख्या १३ झाली आहे. देशातील कोरोनाबाधितांचा आकडा ६४९ झाला आहे.

मुंबई व ठाण्यात प्रत्येकी एक नवीन कोरोनाबाधित रुग्ण आढळून आल्याने राज्यातील कोरोनाबाधित रुग्णांची आकडा १२४ वर जाऊन पोहचला आहे. राज्यात काल नवीन १५ कोरोनाबाधित रुग्ण आढळले होते.

देशामध्ये कोरोनाच्या सर्वाधिक रुग्णांची नोंद महाराष्ट्रात झाली आले. तर महाराष्ट्रापाठोपाठ केरळमध्ये कोरोनाचे सर्वाधिक रुग्ण आढळत आहेत. केरळमध्ये आतापर्यंत 112 रुग्ण आढळले आहेत. तर देशभरात एकूण कोरोनाबधितांची संख्या 600 च्या पुढे पोहोचली आहे.

त्यामुळे देशासमोरही गंभीर आव्हान उभे राहिले आहे. देशात कोरोनाची लागण झालेल्या बाधितांची संख्या 600 पर्यंत पोहोचली आहे. त्या पार्श्वभूमीवर पंतप्रधान नरेंद्र मोदी यांनी देशात 21 दिवस संपूर्ण लॉकडाऊन करण्याची घोषणा केली आहे. त्यामुळे 14 एप्रिलपर्यंत देशात लोकांनी घराबाहेर पडू नये असे आवाहन करण्यात आले आहे.