Categories: राजकीय

…तर अपक्ष लढणार..! भाजपच्या महिला महापौरांचा एल्गार

महेश हणमे, 9890440480

मागील दोन वर्षांपासून ‘उत्तर’ मधून आगामी विधानसभेची निवडणूक लढवणार असल्याचं सोलापूरच्या भाजपच्या महिला महापौर शोभा बनशेट्टी यांनी वेळोवेळी स्पष्ट केलं होतं. विविध प्रसंगानुसार जाहीर कार्यक्रमातून आणि MH13 न्यूजशी बोलताना भावी आमदारकीचा मनोदय व्यक्त केला होता.पालकमंत्री देशमुख यांना ‘उत्तर’ विधानसभेसाठी भाजपची उमेदवारी मिळाल्यास त्यांच्या विरोधात अपक्ष निवडणूक लढविणार असल्याचं महापौरांनी स्पष्ट केलं.

आज सोमवारी महापालिकेची सर्वसाधारण सभा संपल्यानंतर त्यांनी पालकमंत्री देशमुख यांच्या विरोधात निवडणूक लढवणार असल्याचा पुनरुच्चार केला.

विद्यमान आमदार तथा पालकमंत्री विजय देशमुख यांनी सलग तीन वेळा शहर उत्तर विधानसभा मतदारसंघातून विजय मिळवला आहे. विधानसभा 2014 मध्ये त्यांनी विक्रमी मते मिळवली होती. सध्याच्या तिसऱ्या टर्ममध्ये त्यांनी लोकोपयोगी अपेक्षित कामे केली नाहीत.त्यामुळे यंदाच्या विधानसभेच्या टर्म ला पालकमंत्र्यांना उमेदवारी दिल्यास विरोधात निवडणूक लढवू असं सांगितलं.

उत्तर मतदारसंघातून अॅड. मिलिंद थोबडे हेही इच्छुक आहेत. दरम्यान,त्यांना उमेदवारी दिल्यास भाजपचे काम करू असे महापौर म्हणाल्या. पंधरा वर्षात पालकमंत्र्यांनी काहीच ठोस काम केले नाही. त्यामुळे पक्षाने त्यांना उमेदवारी देऊ नये. पालकमंत्र्यांना सोडून इतर कोणालाही उमेदवारी द्यावी,आम्ही पक्षाचे काम करू. मात्र त्यांनाच उमेदवारी दिली तर, त्यांच्या विरोधात अपक्ष उमेदवारी दाखल करू, असे सौ. बनशेट्टी म्हणाल्या.

स्नेह संबंध’ वाढण्यासाठी राजकीय वजन..
उत्तर विधानसभा मतदारसंघ पालकमंत्री देशमुखांचा बालेकिल्ला समजला जातो. संयमी पण चाणाक्ष अशी त्यांची राजकीय प्रतिमा आहे. सहकार मंत्री सुभाष देशमुख यांच्यासोबतचे ‘स्नेहसंबंध’ सोलापूर पासून मुंबई पर्यंत आणि मनपा गार्डन ते कसब्यातील कट्ट्यावर प्रसिद्ध आहेत. आगामी विधानसभा निवडणुकीच्या पार्श्वभूमीवर सहकारमंत्री देशमुख यांच्या उमेदवारीला ‘बाजारसमिती फॉर्म्युला’ लावला जाण्याची चर्चा सुरु आहे. त्यासाठी पालकमंत्री देशमुख राजकीय वजन वापरत असल्याचं बोललं जातंय.

सहकारमंत्री समर्थक…

महापौर बनशेट्टी या सहकारमंत्र्यांच्या कट्टर समर्थक आहेत.त्याचसोबत अक्कलकोट मधून त्यांना रसद मिळू शकते. त्यामुळे आजच्या अपक्ष उमेदवारीतून बंडाची घोषणा करण्यामागे पालकमंत्री व सहकारमंत्री ‘स्नेहसंबंध’ असल्याचं मत कट्टर भाजप समर्थक व्यक्त करत आहेत. यानिमित्ताने उत्तर विधानसभा मतदारसंघांमध्ये नव्याने विविध चर्चेला सुरुवात झाल्याचे मत राजकीय निरीक्षक व्यक्त करत आहेत.

MH13 News

Share
Published by
MH13 News

Recent Posts

Breaking -ट्रॅव्हलर, सुटकेस घेऊन जाणाऱ्या कंटेनरला भीषण आग

धक्कादायक मोहोळ विजापूर हायवे वरील घटना मोहोळ विजयपूर महामार्गावर येथे विजयपूर कडे व्हीआयपी सुटकेस घेऊन जाणाऱ्या कंटेनरला अचानक भीषण आग…

1 day ago

राज्यासाठी ठाकरे सरकारची पंतप्रधान मोदींकडे ही ‘मागणी’

प्रधानमंत्री नरेंद्र मोदी यांच्या भेटीनंतर मुख्यमंत्र्यांची माहिती नवी दिल्ली, दि. 21 : वस्तू व सेवाकर (जीएसटी) परतावा महाराष्ट्राला जलदगतीने मिळावा. तसेच पीक विमा योजनेचा…

2 days ago

माजखोर ‘वारिस’ तुझे 15 कोटी लोक घेऊन….

MH13NEWS Network एमआयएमचे वारिस पठाणच्या प्रतिमेला 'प्रहार'ने काळ फासलं आम्ही १५ कोटी मुस्लिम १३५ कोटी हिंदूवर भारी असल्याचे वादग्रस्त विधान…

2 days ago

‘यल्लोरु अप्पा बेडर शिवभक्त कन्नप्पा’…जयंती भक्तिभावात…

MH13NEWS Network महाशिवरात्री म्हणजेच सृष्टी दिन याच दिनी भगवान शंकर व माता पार्वती यांचा विवाह झाला होता असे अख्यायिका मध्ये…

2 days ago

#शिवमय : महाशिवरात्रीनिमित्त कुडल घाटावर ‘भक्तीसंगम’

शिवभक्तांच्या गर्दीने मंदिर फुलले सोलापूर, दि.21 फेब्रुवारी - महाशिवरात्रीनिमित्त कुडल संगम (दक्षिण सोलापूर) येथे दर्शनासाठी भाविकांची अलोट गर्दी झाली होती.…

2 days ago

या पुढे…राज्यातील उद्योगांना स्वस्त दरात वीज.!

मुंबई, दि. १७ राज्यातील उद्योगांना स्वस्त दरात वीज उपलब्ध करून देण्यासाठी उद्योग विभागाने पावले उचलण्यास सुरुवात केली असून याविषयी चर्चा…

2 days ago