Categories: राजकीय

अन् महापौर भावनाविवश.. महापौरांसह पती श्रीशैल बनशेट्टी, भाजप शहराध्यक्ष व नगरसेवकाचे जबाब नोंदवले

अन् महापौर भावनाविवश..
महापौरांसह पती श्रीशैल बनशेट्टी, भाजप शहराध्यक्ष व नगरसेवकाचे जबाब नोंदवले

सुरेश पाटील यांची सोशल मिडीयावर बदनामी केल्याची बिपीन पाटील यांची नवी तक्रार

(वेब/टीम)
नगरसेवक सुरेश पाटील विषबाधा प्रकरणी महापौर शोभा बनशेट्टी, श्रीशैल बनशेट्टी आणि भाजपाचे शहर अध्यक्ष अशोक निंबर्गीसह नगरसेवक कामाठी यांनी जोडभावी पेठ पोलीस ठाण्यात जावून आपले जबाब नोंदवले असल्याची माहिती पोलीस निरीक्षक यशवंत केडगे यांनी दिली. जबाब नोंदविल्यानंतर  महापौर बनशेट्टी यांना दुःख अनावर झाल्याने बोलता आले नाही .तर सुरेश पाटील यांची व्हॉटसअॅपवर बदनामी केल्याची तक्रार बिपीन पाटील यांनी पोलीसांकडे दिली.

भारतीय जनता पक्षाचे ज्येष्ठ नगरसेवक सुरेश पाटील यांनी आपल्याला भारतीय जनता पक्षातील काही पदाधिकाऱ्यांनी विष देवून जीवे मारण्याचा प्रयत्न केल्याचा आरोप केला होता. त्या संशयित काहीजणांची नावे जोडभावी पेठ पोलीसांकडे दिली होती. त्यामध्ये सोलापूरच्या महापौर शोभा बनशेट्टी, त्यांचे पती श्रीशैल बनशेट्टी, नगरसेवक सुनिल कामाठी, शहर भाजपाचे अध्यक्ष अशोक निंबर्गी, राज्य सहकारी बॅकेचे संचालक अविनाश महागांवकर यांच्यासह अनेकांचे नावे यामध्ये समावेश केले होते. त्यावरून पोलीसांनी आरोप झालेल्यांचा जबाब घेण्याचे काम सुरू केले आहे. त्यामध्ये बुधवारी शिवसेनेचे नगरसेवक महेश कोठे, महानगर पालिकेतील काही शिपाई, कर्मचारी अधिकारी यांचे तर गुरूवारी दुपारी महापौर शोभा बनशेट्टी, त्यांचे पती श्रीशैल बनशेट्टी, अशोक निंबर्गी यांचे जबाब नोंदवण्यात आले आहेत त्यामध्ये त्यांनी त्यांच्यावर झालेले सर्व आरोप फेटाळून लावले आहेत. त्याचबरोबर त्यांनी या प्रकरणाचा सखोल तपास पोलीसांनी केला पाहिजे आणि त्यातून खऱ्या गुन्हेगाराचा शोध घेवून त्याला कडक शासन केले पाहिजे असे व्यक्त केले आहे. या प्रकरणात आणखी बऱ्याच जणांचे जबाब नोंदवण्यात येणार असल्याचेही पोलीस निरीक्षक यशवंत केडगे यांनी सांगितले.

सुरेश पाटील यांची बदनामी….

एका व्हॉटसअॅप ग्रुपवर सुरेश पाटील यांच्या विषयी एकेरी भाषेत बदनामी करणारा मेसेज आला होता. त्यावरून सुरेश पाटील यांचे चिरंजीव बिपीन पाटील यांनी या बदनामीकारक मेसेजवरून जोडभावी पेठ पोलीस ठाण्यात तक्रार दिली असून पोलीसांनी अदखलपात्र तक्रार दाखल करून भाजपाच्याच दोघा कार्यकर्त्याविरूध्द गुन्हा दाखल केला आहे.

पोलीसांना माहिती कळवा – पोलीस निरीक्षक केडगे

सुरेश पाटील यांच्या विषबाधा प्रकरणी ज्या कोणाला माहिती असेल त्यांनी ती माहिती किंवा पुरावा जोडभावी पेठ पोलीसांना द्यावा असे आवाहन पोलीस निरीक्षक केडगे यांनी केले त्याचबरोबर सोशल मिडीयामध्ये किंवा कोणत्याही प्रसार माध्यमाद्वारे सुरेश पाटील विषबाधा प्रकरणावरून बदनामीकारक मेसेज देवू नये अन्यथा कडक कारवाई करणार असल्याचेही पोलीस निरीक्षक केडगे यांनी सांगितले.

MH13 News

Share
Published by
MH13 News

Recent Posts

आजपर्यंत 394 झाले ‘बरे’ तर 467 जणांवर ‘उपचार’ सुरू ; आजचे 84 बाधित ‘या’ भागातील…

MH13 NEWS Network  दिवसेंदिवस वेगाने वाढणारी सोलापुरातील पॉझिटिव्ह रुग्णांची संख्या सोलापूरकरांच्या चिंतेत भर घालत आहे.…

3 hours ago

धक्कादायक : आज सोलापुरात वाढले 84 बाधित ,5 मृत तर एकूण संख्या 949

MH 13 NEWS Network आज जिल्हा प्रशासनाने रविवारी सायंकाळी दिलेल्या माहितीनुसार तब्बल 84 जणांचे रिपोर्ट…

4 hours ago

‘कैद्यां’च्या कोविड केअर सेंटरला जिल्हाधिकाऱ्यांची भेट, दिल्या या ‘सूचना’…

MH13 NEWS Network देखभाल चांगल्या प्रकारे करा : जिल्हाधिकारी शासकीय तंत्रनिकेतनमधील कोविड केअर सेंटरला दिली…

4 hours ago

शासन आदेशानुसार लॉकडाऊन 5.0 मध्ये राज्यात काय सुरु?

MH13 NEWS Network  कोरोनाच्या पार्श्वभूमीवर 30 जूनपर्यंत लॉकडाऊन पाच असणार आहे.याबाबत केंद्राने त्यानंतर आता महाराष्ट्र…

5 hours ago

गृहमंत्र्यांनी केली टोळधाड नुकसानीची पाहणी

टोळधाडीपासून बचावासाठी कृषी विभागाने उपाययोजना करण्याचे गृहमंत्री अनिल देशमुख यांचे निर्देश मुंबई /नागपूर, दि.31 :…

8 hours ago

ग्रामीण भागात होतोय शिरकाव ;बार्शी तालुक्यात रुग्ण वाढले, आज ६ पॉझिटिव्ह

MH13NEWS NETWORK सोलापुरातील दिवसेंदिवस वाढत असलेला कोरोना विषाणूचा कहर चिंता वाढवत आहे. बार्शी तालुक्यात त्याचा…

8 hours ago