Categories: राजकीय

अबब! भाजप आमदाराची विद्यार्थी नेत्याला चक्क १ कोटींची अब्रूनुकसानीची नोटीस

MH13 NEWS NETWORK:

भाजपचे प्रदेशाध्यक्ष माजी महसूल मंत्री व विद्यमान आमदार चंद्रकांत पाटील यांनी वकील मुलीविरोधात अब्रुनुकसानीचा दावा केल्याची घटना ताजी असतानाच चक्क एक कोटी रुपयांचा अब्रूनुकसानीचा दावा दाखल करणार असल्याची नोटीस भाजपचे प्रदेश सरचिटणीस व विधान परिषदेचे आमदार सुजितसिंह ठाकूर यांनी वकिलामार्फत विद्यार्थी कॉंग्रेसचे जिल्हाध्यक्ष गणेश डोंगरे यांना पाठविल्याने जिल्ह्यासह राज्यात खळबळ उडाली आहे.

सोलापुरातील एका फार्मसी महाविद्यालयातील ठाकूर नावाच्या नापास विद्यार्थ्याला पास केले असून तो एका बड्या राजकीय नेत्याचा नातलग असल्याचा आरोप विद्यार्थी कॉंग्रेसचे जिल्हाध्यक्ष गणेश डोंगरे यांनी दोन दिवसांपूर्वी पत्रकार परिषदेद्वारे केला होता. याप्रकरणात काहीही संबंध नसताना आपले नाव घेतल्याने आपली नाहक बदनामी झाल्यामुळे फौजदारी न्यायालयात खटला भरून दिवाणी न्यायालयात एक कोटी रुपयांचा अब्रूनुकसानीचा दावा दाखल करणार असल्याची नोटीस भाजपचे प्रदेश सरचिटणीस व विधान परिषदेचे आमदार सुजितसिंह ठाकूर यांनी वकिलामार्फत गणेश डोंगरे यांना पाठविल्याने जिल्ह्यासह राज्यात खळबळ उडाली आहे. आमदार सुजितसिंह ठाकूर हे पंढरपूरच्या विठ्ठल-रुक्‍मिणी मंदिर समितीचे सदस्य तसेच पुण्यश्‍लोक अहिल्यादेवी होळकर सोलापूर विद्यापीठाचे सिनेट सदस्य आहेत.

सोलापुरातील वि. गु. शिवदारे या फार्मसी महाविद्यालयातील द्वितीय व तृतीय वर्षातील एका विद्यार्थ्याला पास करण्यासाठी त्याचे एकूण तीन विषयांचे गुण वाढवले असून, गुण वाढवण्यासाठी “ईआरपीएस’ या प्रणालीमध्ये एमफडणवीस या लॉगिन आयडीचा वापर केल्याचा आरोप विद्यार्थी कॉंग्रेसने केला आहे. या प्रकाराची “एमकेसीएल’मार्फत चौकशी व्हावी याबरोबरच चौकशी पूर्ण होईपर्यंत कुलगुरू डॉ. मृणालिनी फडणवीस यांचा राजीनामा घ्यावा, अशा मागणीचे निवेदन विद्यार्थी कॉंग्रेसचे प्रदेशाध्यक्ष आमीर शेख यांनी राज्यपालांना दिले आहे त्यावर राज्यपाल काय निर्णय घेतात, याकडे सर्वांचे लक्ष लागले आहे.

पत्रकार परिषदेत आमदार ठाकूर यांचे नावच नाही – डोंगरे
पुण्यश्‍लोक अहिल्यादेवी होळकर सोलापूर विद्यापीठातील परीक्षा विभागाच्या गैरकारभारावर प्रकाश टाकण्यासाठी आपण पत्रकार परिषद घेतली. मात्र, त्यामध्ये भाजपचे आमदार सुजितसिंह ठाकूर यांच्या नावाचा स्पष्ट व अस्पष्ट असा उल्लेख केला नाही. पुढील दोन दिवसांत त्यांच्या नोटीसीला उत्तर दिले जाईल.
– गणेश डोंगरे, जिल्हाध्यक्ष, विद्यार्थी कॉंग्रेस, सोलापूर

MH13 News

Share
Published by
MH13 News

Recent Posts

देवदूत काळाच्या पडद्याआड; डॉ.नेने यांचे निधन

MH13 NEWS NETWORK - बार्शीतील प्रख्यात डॉ. भगवान नेने यांचे दीर्घ आजाराने आज रविवारी निधन झाले. मृत्यूसमयी ते 80 वर्षांचे…

9 hours ago

अन् …मुख्यमंत्री ठाकरेंनी दिला आदेश..ही खुर्ची तुमची!

MH13 NEWS NETWORK: प्रशासनातील प्रत्येक व्यक्ती मग ती कोणत्याही पदावर असो, त्याला योग्य सन्मान आणि आदर दाखविणाऱ्या मुख्यमंत्री उद्धव ठाकरे…

10 hours ago

ग्लोबल व्हिलेजच्या विद्यार्थ्यांनी घेतला 3D सिनेमाचा अनुभव

MH13 NEWS NETWORK :  कै. ब. ई. चनशेट्टी गुरुजी प्रतिष्ठान संचलित ग्लोबल व्हिलेज पब्लिक स्कूल व जुनिअर कॉलेज, बोरामणी येथील…

1 day ago

दोघा बाईक चोरट्याकडून ८ वाहने हस्तगत ; वेळापूर पोलिसांची कारवाई

MH13NEWS Network वेळापुर पोलिसांनी तिघा मोटरसायकल चोरांना पकडत त्याच्याकडून आठ मोटरसायकल जप्त केले. वेळापूर पोलीस स्टेशनचे पोलीस कर्मचारी अमोल वाघमोडे…

2 days ago

‘या’गावाच्या माजी सरपंच ‘पती-पत्नी’ची लेक ठरली पहिली महिला चार्टड अकौंटंट!

लक्ष्मण राऊत, माढा प्रतिनिधी माढ्यातील शेतकरी कुटुंबातील  माजी सरपंच राजेंद्र राऊत व सुनिता राऊत यांची लेक  कु.ज्योती राऊत हिने सी…

2 days ago

कौतुकास्पद : माढ्यातील युवकांच्या लघुपटाची थेट लंडन फेस्टीवलसाठी निवड

MH13NEWS Network माढ्या सारख्या ग्रामीण भागातील युवकांची चित्रपटसृष्टीतील क्षमता सातासमुद्रापार माढा येथील मनोज भांगे या तरुणाने दिग्दर्शित केलेल्या आणि माढ्यातील…

2 days ago