माढ्यात राबवली शहर स्वच्छता मोहीम ;माझी वसुंधरा माझी जबाबदारी…

शेखर म्हेञे /माढा प्रतिनिधी:
स्वच्छ सर्वेक्षण या मोहिमेअंतर्गत माझी वसुंधरा ही मोहीम माढा नगरपंचायतच्या वतीने शहरातील प्रमुख रस्ते स्वच्छ करून व कै. गणपतराव साठे प्रशाला ,रयत शिक्षण संस्थेचे कला व वाणिज्य महाविद्यालयाच्या विद्यार्थी , शिक्षक व शिक्षकेतर कर्मचारी यांना ‘माझी वसुंधरा माझी जबाबदारी’ ही शपथ देण्यात आली.

आपले शहर स्वच्छ आणि सुंदर ठेवण्याची जबाबदारी प्रत्येक नागरिकाची असल्याचे यावेळी माढा नगरपंचायतीच्या नगराध्यक्षा मिनल साठे यांनी सांगितले. या मोहिमेत वृक्ष लागवडी बरोबर वृक्षाचे संवर्धन, वृक्ष कत्तल थांबवणे व शहर स्वच्छ व सुंदर ठेवणे ही जबाबदारी प्रत्येक नागरिकांनी पालन करणे बंधनकारक असणार आहे. शहर व परिसर स्वच्छ ठेवण्यासाठी शहरातील नागरिकांनी आत्तापर्यंत चांगले सहकार्य केले आहे. तसेच नगरपंचायतीने केलेल्या प्रत्येक आवाहनाला चांगला प्रतिसाद दिलेला आहे. यापुढेही माढा शहरातील नागरिकांकडून नगरपंचायतीने केलेल्या आवाहनाला चांगला प्रतिसाद मिळेल ही अपेक्षा आहे. माढा शहरात कमी प्रमाणात प्रदूषण व्हावे यासाठी प्रत्येक बुधवारी आपल्या वाहनांचा शक्यतो वापर टाळून सायकलचा व पायी चालून आपली दैनंदिन कामे करावी यामुळे शहरातील प्रदुषण कमी होण्यास मदत होऊन आपले आरोग्य उत्तम राहण्यासाठी हे फायदेशीर ठरणार आहे. आठवड्यातून एक दिवस वाहन वापरल्याने इंधन बचती तसेच काही प्रमाणात पैशाची ही बचत होणार आहे.

त्यामुळे या माढा नगरपंचायतीच्या वतीने पाळला जाणार ‘नो व्हेइकल डे’ यासाठी नागरिकांनी सहकार्य करावे व दर बुधवारी सायकलचा वापर करून शहरांमध्ये होणारे प्रदूषण टाळण्यासाठी मदतीचा हात नगरपंचायतला द्यावा असे माढा नगरपंचायत नगराध्यक्षा मिनलताई साठे यांनी आवाहन केले. या वेळी माझी वसुंधरा अभियानांतर्गत मोहिते नगराध्यक्षा मिनलताई साठे , मुख्याधिकारी डॉ.चरण कोल्हे, माढा पोलीस स्टेशनचे उपनिरीक्षक किरण घोंगडे , उपनगराध्यक्षा लक्ष्मीबाई राऊत,माजी नगराध्यक्ष अनिता सातपुते, राहुल लंकेश्र्वर, गंगाराम पवार, सभापती सुप्रियाताई बंडगर, सिटी कोरनेटर शशांक कदम , माढा रोटरी अध्यक्ष अशोक लोंढे , माढा प्रेस क्लबचे अध्यक्ष प्रमोद गोसावी, हनुमंत राऊत, निलेश बंडगर, माढा नगरपंचायतीचे नगरसेवक व सर्व कर्मचारीवर्ग उपस्थित होता .