लदनी’तून लमाणांचे दुःखी जीवनाची विराणी वेशीवर: माजी संमेलनाध्यक्ष लक्ष्मीकांत देशमुख

By-MH13 NEWS,वेब/टीम

सोलापूर येथील निवृत्त न्यायाधीश नामदेव चव्हाण यांच्या लदनी या आत्मकथानातून देशभरातील लमाण समाजच्या समग्र दुःखाची विराणी जगाच्या वेशीवर मांडली गेली आहे, असे गौरवोद्गार माजी संमेलनाध्यक्ष लक्ष्मीकांत देशमुख यांनी काढले. चव्हाण यांच्या ‘लदनी’ या आत्मकथनाचे सोमवारी सुशीलकुमार शिंदे यांच्या हस्ते हुतात्मा स्मृती मंदिर येथे थाटात प्रकाशन झाले यावेळी ते अध्यक्षस्थानावरून बोलत होते. यावेळी मंचावर समीक्षक साहित्यिक प्रा. डॉ. गणेश मोहिते, आमदार सिद्धाराम म्हेत्रे, माजी आमदार निर्मलाताई , साहित्यिक श्रीकांत मोरे, उस्मानाबादचे दलीतमित्र सामाजिक कार्यकर्ते मनोहर राठोड, प्रगती प्रकाशनचे दत्ता थोरे, संयोजक सुभाष चव्हाण व नारायण चव्हाण यांची प्रमुख उपस्थिती होती.
प्रारंभी लमाण समाजाचे दैवत सेवालाल महाराज व माजी मुख्यमंत्री वसंतराव नाईक यांच्या प्रतिमेचे पूजन झाले. पुढे बोलताना देशमुख यांनी नामदेव चव्हाण यांच्या पुस्तकाचे कौतुक केले. लदनी हे एकट्या चव्हाणांचे जीवन नसून हा एक लमाण बांधवांचा सामाजिक दस्तऐवज आहे. अमावसेच्या काळ्या रात्री पालाच्या झोपडीत जन्मलेल्या चव्हाणांच्या जन्मापासून ही कथा सुरू होते आणि गाई-म्हशींच्या शेणात पोटातून फुगून आलेली ज्वारी धुवून; शिजवून खात, दारू गाळून आलेल्या पैशातून पोट भरत, प्रसंगी शेजारच्या शेतातून चोरी करून आणलेली गाजरे, मका खात कशी माणसे जगतात याचे ज्वलंत दर्शन करविते. एवढ्या कठीण स्थितीतही याडी बाबा नामदेवला शिकवतात व न्यायाधीश करतात हा प्रवास विलक्षण असल्याचे देशमुख म्हणाले.
वसंतराव नाईक यांनी लमाण समाजाच्या प्रगतीसाठी प्रयत्न केल्याचे सांगून सुशीलकुमार शिंदे यांनी प्रांजळपणे आत्मकथन लिहिल्याबद्दल नामदेव चव्हाणांचे कौतुक केले. ते म्हणाले की, आत्मकथन लिहायला धाडस लागते. कारण ते सत्य लिहावे लागते. चव्हाणांनी हे आव्हान पेलले. अनेकवेळा आमकथन लिहिल्यानंतर त्या समाजातूनच लेखकाला विरोध झाला. कारण त्यांनी समाजाच्या वेदना तीव्रतेने मांडल्यामुळे अनेकांना पचले नाही. चव्हाणांचे लदनीही त्याच प्रकारे प्रहार करते. पोटासाठी दारू गळणार्या समाजाच्या समाजाच्या वेदना कुण्याही वेदनेपेक्षा जास्त तीव्र आहेत. ही कोंडी नामदेव चव्हाण यांची ‘लदनी’ तुन फोडल्याचे ते म्हणाले. प्रा. गणेश मोहिते यांनी ‘लदनी’ ने मराठी साहित्यात अनोखी भर घातल्याचे सांगून हे पुस्तक नाही तर लमाण समाजाचा वेदनादायी इतिहास आहे. एक माणूस पालातुन शिकून न्यायाधीश होतो, ही खूप प्रेरणादायी गोष्ट असल्याचेही ते म्हणाले. यावेळी आमदार सिद्धाराम म्हेत्रे, माजी आमदार निर्मलाताई ठोकळ, साहित्यिक श्रीकांत मोरे, मनोहर राठोड यांचीही समयोचित भाषणे झाली. लेखकांनी आपल्या मनोगतात या पुस्तकासह माझ्या आयुष्यातील अनेक लोकांनी मला घडविले, त्यामुळेच मी मोठा होऊ शकला नाही.
प्रारंभी प्रकाशक दत्ता थोरे यांनी प्रास्ताविक केले. ज्योती वाघमारे यांनी सूत्रसंचालन केले तर नारायण चव्हाण यांनी आभार मानले.

MH13 News

Share
Published by
MH13 News

Recent Posts

शेतकरी कर्जमुक्तीसोबतच चिंतामुक्तीच्या दिशेने वाटचाल – मुख्यमंत्री ठाकरे

नागपूर, दि. 15 : जनतेच्या आशीर्वादाने आणि पाठबळावर हे सरकार आले असून त्यांना दिलेली वचने व त्यांच्या आशा-आकांक्षा पूर्ण करु,…

7 hours ago

सोलापूर- पुणे हायवेवर विचित्र अपघात : तिघांचा मृत्यू, चौघे जखमी

BY MH13 NEWS NETWORK : सोलापूर-पुणे राष्ट्रीय महामार्गावरील माढा तालुक्‍यातील अरण येथे रविवारी दुपारी 12.30 च्या सुमारास अपघात झाला. या…

8 hours ago

चहावाला पंतप्रधान होतो तर चहापानावर बहिष्कार का? – मुख्यमंत्री ठाकरे. वाचा ठाकरेशैली…

MH13 NEWS Network: हिवाळी अधिवेशनाच्या पूर्वसंध्येला पत्रकार परिषदेत मुख्यमंत्री उद्धव ठाकरे यांनी जोरदार बॅटिंग करत भाजपला कोपरखळी मारली. पत्रकार परिषदेतील…

9 hours ago

अजून किती बळी ? मार्केटयार्ड सर्व्हिस रोडवर जड वाहनाचं पार्किंग

BY MH13 NEWS NETWORK :  सोलापूर मार्केट यार्ड मधील सर्व मोठी वाहने रस्त्याच्या सर्व्हिस रोडवर 24 तास उभे करत असल्याचे दिसून…

10 hours ago

राजन पाटील यांच्यावर अधिवेशनानंतर येणार नवी जबाबदारी!

MH13 NEWS Network: विधानसभा निवडणुक रणधुमाळीत राज्यातील राष्ट्रवादी काँग्रेसमधील अनेक मातब्बर नेत्यांनी पक्षाला रामराम ठोकत भारतीय जनता पार्टी व शिवसेनेमध्ये…

11 hours ago

पुरुष गट राज्य व्हॉलीबॉल अजिंक्यपद स्पर्धा…

BY MH13 NEWS NETWORK : महाराष्ट्र राज्य व्हॉलीबॉल संघटना आयोजित वरिष्ठ गट पुरूष आंतर जिल्हा स्पर्धा या दी. १२ ते…

12 hours ago